أسئلة بديهية؟؟

فيه أسئلة بديهية ما الها داعي
بنتعرض الها كل يوم من كل الناس
خلـونـــا نشوف أمثلة ...الأسئلة بالمصري....منقووول
*******
إنت في غرفتك.. على السرير وطافي النور ومتغطي
بيجي أخوك الظريف ويفتح الباب عليك ويقول:انت هتنام ولاّ ايه؟
(( أظن ده مش وضع الرقص!!! واضح ان انا هنام ))
*******
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتـواااااااا؟
(( لا لسه ))
*******
والعكس: انت لابس هدومك ومتأنتك وعلى سنجة عشرة وريحة البارفان
واصله لاخر الشارع.. وخلاص بتفتح باب الشقة,, يجي حد من أهلك
وينادي بصوت عالي: انت خااااارج ولاّ اييييييييييه
(( ! لاء دانا لسه راجع ))
*******
أو مثلا راكب العربية ودوّرتها وخلاص هتطلع.. يجيلك لك البواب
ويخبطلك على الزجاج,, انت بكل ذوق تفتح الزجاج وتقوله: خير في حاجة؟
يقولك: انت رايح الشغل يابيه؟
(( لا.. العربية واحشاني ))
*******
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون؟
(( لأ.. بتفرّج عليه ))
*******
مثلا: ماسك مذكرة أو كتاب وقاعد تحفظ ومتحمس (أول مره بقى).. جه حد وقالك: هاه.. قاعد تذاكر؟
(( تقوم رامي الكتاب وتقوله لااااااااء ))
*******
ربنا هاديك كده.. ماسك سبحة وعمال تسبّح، يجي حد من البيت يعدي عليك ويقول: هوّه انت بتسبح؟
(( لأ.. هفرطها وأسلقها ))
*******
ولاّ تعالو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنية
ترد عليه الست المذيعة بكل خفه ورشاقة: إنتا بتحب الاغنيّة ديه ولا ايه؟
(( لأ.. طالبها اخنق على نفسي ))
*******
المذيعة الظريفة: وياترى بقى هتعملوا ايه العيد ده هتقضوه ازاي؟
أكيد بيبقى زيارات الأهل والصحاب وتخرجوا تشوفوا مظاهر العيد
في الشوارع وتفسحوا أولادكم ونتصل بالمعارف نعيّد عليهم ونقولهم كل سنة وانتو طيبين
(( سبتيله ايه يقوله))(يعني ما ظل اشي يحكيه)

هههههه فعلا اجوبه حلوة عشان نجلط الشخص يلي بسأل